Venres, 30 de xaneiro de 2026

Bo día a todas e a todos!

Hoxe é 30 de xaneiro, unha data moi especial, xa que celebramos no cole o Día Escolar da Non Violencia e da Paz. Un día para lembrar a importancia do respecto, da amizade, da empatía e de convivir en harmonía.

Para comezar a mañá con bo ánimo, imos escoitar a canción “A paz” de Mamá Cabra, unha canción doce e próxima que nos axuda a falar da paz, do coidado e de levarnos ben cos demais, enchendo a aula de música e boas emocións.

DANZA DA PAZ

A continuación, continuaremos a xornada coa nosa asemblea, e despois traballaremos Matemáticas e Linguas, onde seguiremos coa lectura dun novo capítulo de “O libro feroz”.

Máis tarde, tocará moverse e desfrutar na sesión de Educación Física co mestre Antón.

E para rematar este día tan significativo, xuntarémonos todas e todos no salón de actos para completar entre todos o puzzle no que demostramos que, malia ser diferentes, todas as pezas encaixamos, construíndo xuntos un cole mellor e máis pacífico.

Un saúdo,

A profe Sara 💙

Mércores, 28 de xaneiro de 2026

Bo día!

Hoxe é mércores, 28 de xaneiro, e comezamos a xornada con enerxía e ganas de aprender. Iniciaremos o día coa asemblea, un momento para organizarnos, compartir ideas e prepararnos para todo o que nos agarda.

Ao longo da mañá traballaremos Matemáticas, resolvendo problemas e poñendo a funcionar a cabeza e tamén leremos un novo capítulo do Lobo Lupas.

Ademais, seguiremos avanzando no mural polo Día da Paz, reflexionando sobre valores como o respecto, a amizade e a convivencia. 

Durante a xornada tamén teredes Música coa mestra Geni e Ciencias coa mestra Rocío.

Despedímonos por hoxe cun sorriso e con moitas ganas de seguir aprendendo mañá.

Un saúdo,

A profe Sara 💚

Martes, 27 de xaneiro de 2026

Hoxe é martes e, por fin, volvemos ao cole despois duns días sen clase nos que o tempo decidiu mandar máis ca nós. Agardamos que todas e todos esteades ben, con historias que contar… e con moitas ganas de poñernos de novo en marcha.

Comezaremos, como cada mañá, coa nosa asemblea, un espazo para organizarnos, compartir ideas e espertar o cerebro con tranquilidade.

Ao longo da mañá traballaremos Matemáticas e Lingua.
👉 En Lingua, aproveitaremos para preparar contidos que plasmar no mural polo Día da Paz, que celebraremos no cole o 30 de xaneiro, reflexionando sobre o respecto e a amizade."

Tamén teredes Inglés coa teacher Rocío, onde seguiredes practicando e collendo confianza pouco a pouco.

Chegará o momento de Educación Física co mestre Antón, perfecto para mover o corpo e recargar enerxías.

E para pechar o día, desfrutaredes de Ciencias coa mestra Rocío, descubrindo datos curiosos e aprendendo cousas novas.

Preparamos a mochila, levamos un sorriso e moitas ganas de aprender.

Mañá máis e mellor!

Un saúdo,

A profe Sara 💙

Xoves, 22 de xaneiro de 2026

  

Moi bo día, equipo!

O día xa comezou e nós tamén!

Quentamos a voz, espertamos o corpo e… a cantar os Bos días como só nós sabemos facelo!

CANCIÓN BUENOS DÍAS

Hoxe, comezaremos a xornada, como é habitual, coa nosa asemblea, un momento tranquilo para organizarnos, conversar un pouco e espertar a mente con calma.

Ao longo da mañá traballaremos as linguas, afondando nas palabras, na lectura e na expresión, e faremos tamén a nosa visita semanal á biblioteca.

Non faltarán as Matemáticas, poñendo en xogo o razoamento e o cálculo, nin Plástica. E aquí vai a gran pregunta do día: cal será a manualidade de hoxe? 

Tamén teredes Ciencias coa mestra Rocío.

Seguimos aprendendo paso a paso, con ilusión e ganas.

Un saúdo,
A profe Sara 💙

Mércores 21 de xaneiro de 2026

 Bo día!

Hoxe é mércores, 21 de xaneiro, e imos comezar a xornada  escoitando a canción “Xa chega o inverno”, para entrar en ambiente e espertar corpo e mente. 

CANCIÓN XA CHEGA O INVERNO

Despois, iniciaremos o día coa asemblea, organizándonos e compartindo ideas.

Ao longo da mañá traballaremos Matemáticas, resolvendo problemas e poñendo a funcionar a cabeza. Tamén leremos un novo capítulo do Lobo Lupas, que nos ten cada vez máis enganchados, e faremos expresión escrita, creando minihistorias , seguro que saen relatos MOI ORIXINAIS!.

Ademais, teredes Música coa mestra Geni e Ciencias coa mestra Rocío.

Despedímonos por hoxe, cun sorriso e moitas ganas de seguir aprendendo mañá.

Un saúdo,

A profe Sara 💚

Martes 20 de xaneiro de 2026

 

Hoxe é martes, un día perfecto para seguir aprendendo e pasándoo ben. Comezaremos, como sempre, coa asemblea, para organizarnos, falar un pouquiño e poñer o cerebro en marcha (con calma, que aínda é cedo 😄).

Despois traballaremos Matemáticas e Lingua, entre números, letras e algunha cabeza pensante a toda velocidade.

Seguiremos con Inglés coa teacher Rocío, para practicar e soltarnos pouco a pouco.

Logo tocará moverse en Educación Física co mestre Antón, que xa sabemos que sentar todo o día non é boa idea.

E para rematar, teremos Ciencias coa mestra Rocío, chea de curiosidades e cousas interesantes.

Así que mochila lista, sorriso preparado e moitas ganas de aprender.

Vémonos mañá con máis novidades!

Un saúdo,

A profe Sara 💙

Luns 19 de xaneiro de 2026

 

Despois de varios días sen escribir no blog… volvemos de novo!

E volvemos con enerxía, porque hoxe é luns e temos moitas cousas interesantes por diante.

Para comezar ben o día e poñer o cerebro en marcha, imos xuntarnos na nosa asemblea, onde a encargada ou encargado do día será quen leve o mando por un ratiño. Unha vez todo listo… seguimos coas seguintes actividades!

Imos traballar Linguas, Matemáticas e tamén teremos un ratiño especial de lectura, no que descubriremos un novo capítulo do Lobo Lupas, que cada vez é máis curioso.

 Teredes clase de Inglés coa teacher    Rocío. 

Tamén toca Relixión e  Proxecto Competencial, acompañados polas profes Pili e Silvia, que sempre nos axudan a aprender cousas moi interesantes.

Así que xa sabedes: mochila preparada, sorriso posto e moitas ganas de aprender.

Despedímonos por hoxe, prometendo non desaparecer tantos días… que o blog tamén se pon triste se non escribimos 😄.

Un adeus con sorriso e ganas de volver mañá,
A profe Sara 💙💚💛💜